ღღ ..ONE SWEET DAY.. ღღ

welcome mee

emoo0nation — Sat, 30 Oct 2010 22:07:37 +0000

يالله بسم الله الرحمن الرحيم

وعلى بركة الله نبدأ

الافتتاح تترااااااااا

اتوقع راح تتشرف المدونات بشخص زي ولا مو هههههههههه

ام الغرور يارجال

بس حبيت اجرب اول موضع في المدونه

شكلها كيوت مو بطال بصراحه احسن من هجولة التطوير في السبيسات

يالله الكل يحول طويب

موفقين

وليا باك

كل عام وانتو بخيييييير مقدما

emoo0nation — Fri, 30 Jul 2010 14:09:14 +0000

سولام عليكم والرحمه والاكرام

كيف الحال والاحوال عساكم بخير وطيبين ^^

رجعت بس بسيطه هههههههه اصلو خلاص السبيسات قطعو اخر وتر حماس فيا بعد ماخلو الكومنتات محدوده مالت مدري ليش سوو كدا

بس برضو مهما سار مها حصل المكان دا يبقى مكان غالي وعزيز مقدر ابعد عنو كل الوقت طبعا

عرفني بناس مايتنسو

فبس حبيت اني ابارك ليكم مقدما بشهر الخير والبركه عسى يكون خير على الكل يارب

كل عام وانتو بخييييييييير جميع

رمضان كريم يارب

السنه الي فاتت كان فيها ناس وراحو الله يذكرهم بكل خير

والي قبلها الله يذكرهم بكل خير

من طبعي مانسى مخلوق عاشرتو طبعا …وتستاهلو الذكرى الطيبه كولكم

اخر المتزوجين كانت مها ربي يسعدها فين ماكانت

وبعدها شهوده الله يوفقها ويسعدها خولاص خطبت

وطبعا قلبهم حيووو ربي يسعدها

وشيخه توفقت على حد علمي الحمدلله

ودحييييييييييييين على ماسمعت انو قريب الاخو البدوي حقنا رعشو هدبو هههههههه الله يعين البنت عليك ياخي مدري كيف بتعيش معاك

فألف الف مبروكيشن وعقبال نشوف عيالك بس لاتخليهم يقربو من عيالي لانو عيالي بيكونو عيال وزير فاخم خخخخخخ

المهم مبروك مقدما وربي يسعدك

باقي انا ونجيبه الخريجه الجديده مبروكيشن ليها ورايفوو احسن مدرسه احس ههه واملوو ربي يسعدها و مينو الله يريح بالها و وروانوربي يوفقها وعدوو صاحبة الامنيه الي نفسي انو تتحقق ليها يارب وندوووووو ربي يسعدها برضو وملاك الي عندها تلاتمية عريس بس ماتبغا تقول بتدرس اول ههههههههههههههه.. المهم نعنس دحين سوا هههههههه

بس انا محجوز طبعا طبعا والله يوفق الي حاجزلي قلبي
فالله يسعد الكل يارب في كل شي يبغو

ترا بس حبيت اكتب كل عام وانتو بخير وجبت صوره صورتها رمضان الي فات سبحان الله الوقت مشي بسرعه وحبيت احطها هنيا

أدعولي انو ربي يوفقني بوظيفه في الغربيه كدا عشان اشوف امي وقت مابغا وابويا متى مابغا

…………

وصح

و ماريا ياعيني بنت اخويا الكبير بكره تكمل سنه

كل عام وهيا بخيييييييييييير

20 شعبان

وي وي وي هههههههه وحشتني البنت دي ربي يسعدها ويكبرها كدا ونشوفها احسن مخلوقه يارب

رمضان الي فات كنت في اجازه من الكليه يالبي قلب الكليه وحشتني الدراسه والله وان شاءالله يوما ما اكمل الماستر دعواتكم

واليوم في الشرقيه في الشركه دي بعيد عن الاهل مو حلو رمضان كدا ترا بس ايش نسوي

المهم باخد اخر عشره ايام اجازه واجمعها معا اجازة العيد وتسير اجازه طويله اعيد فيها نقاهه صوح

دعواتكم احصل شي في الغربيه اهم شي في اقرب فرصه

هممممممم بس دي الصوره الي كنت بوريكم هيا خخخخخ عاديه موحلوه واتوقع شفتوها قبل

http://store2.up-00.com/Jul10/1en96937.jpg

يالله مره تانيه كل عام وانتو بألف خييييييييير

والله يجعل رمضان شهر خير عليك يارب ونسمع كل الاخبار الحلوه عنكم كولكم ^^

ربي يسعدكم

والى لقاء قريب لو ربي اراد

سولامووووو

EmooO

21^^

emoo0nation — Fri, 30 Apr 2010 02:56:59 +0000

السولام عليكم ورحمة الله وبركااااتو

موضوع اليوم خفيف وظريف وحلو

وخاصه لانو لشخص عزيز على قلبي

بعدين اقولكم قصتو

بس خليكم معايا شويه

قبل فتره اشتريت شوربة ماجي حقت الحروف طويب …. سويتها على النار وكل شي "وبصراحه الي ماقيد جرب الشربه دي لازم يشربها لانها بجد بجد طعمه مره" هههههههه

المهم

سويتها على النار وكل شي

وبعدين حطيتها في صحن زي الي تشوفو تحت هنا

http://www.m5zn.com/uploads/2010/4/29/photo/042910180415szggczt.jpg

عاد هيا شربه جدا عاديه مافيها اي شي مميز

فبس بديت أشرب منها لقمه لقمه بالملعقه .. بس شويه لقيت شي غريب بصراحه

حسيت انو الشربه تبغا تقولي شي كانها سارت حيه زي البني ادمين ياسبحاااااااااااان الله هههههههههههه

عاد رجعت للحياه وقالت انتا ماتفهم ؟؟؟

قلت ايش الي مابفهمو فهميني انا مافهم شي

قالت اليوم ايش؟

قلت 30 أبريل

قالت واليوم دا مو مميز ليك شي ماشيات؟

قلت والله ياطويلة العمر نوريني الله ينور عليكي ويرزقك بزوج ماجي كدا يعيشك في احسن قدر على احر فرن خخخخ

قالت طويب خليك معايا

فدخلت الملعقه جوة الحساء للي مايعرف معنى الشوربه وبديت اقربع فيها

http://www.m5zn.com/uploads/2010/4/29/photo/042910180415tu9au00ucbl0e45.jpg

وبديت اخرج من دي الحروف

أسحب اللقومه واشرب مافي شي

واسحب اللقمه واشرب ومافي شي

والشربه حاااااااااااره

بس شدتني ابلتي الشوربها لما قالت اليوم في شي مميز؟

فلازم اعرف ايش هوا

فطلعت كمية حروف مررررررررررره كتيره

http://www.m5zn.com/uploads/2010/4/29/photo/042910180415bjn26uctz.jpg

ومنها قالت الشوربه بس وقعت ومحدش سما عليك انتا طلعت كل الحروف الي ابغاها هههههههههه

قلت الله يرزقك الجنه يالله حدثيني وخبريني ايش الكلمه الي من اول توصيني عليها

بدت تنقص في دي الحروف تنقص تنقص لين صفيت على اربعه حروف

http://www.m5zn.com/uploads/2010/4/29/photo/042910180415y6uo8nz1oi.jpg

H.M.A.A

وانا من يوم شوفت الحروف عرفت ايش تقصد الشربه الله يجزاها خيييييييييييير

رتبت الحروف وطلع ليا الاسم دا

MAHA

http://www.m5zn.com/uploads/2010/4/29/photo/042910180415waz8pj0j.jpg

مها

مين هيا مها ؟ أول شي خليني اقولكم الشربه بأيش فكرتني

لاني كنت ناسي طبعا هههه

فكرتني انو اليوم عيد ميلاد أختي الي ماولدتها امي مها الله يسعدها ويحفظها ويوفقها يارب

هدا اخر عيد اسوي ليها علني في سبيسي لانو بتعيد معا ناس تانين بيكونو اقرب ليها ويفرحني بجد بجد انها تكون مبسوطه بين اهلها وناسها يارب

هيا راح تتزوج طبعا للي مايعرف وزواجها بعد كم شهر فالله يوفقها يارب ويستر عليها

فماحبيت افوت المناسبه دي لاني واكبت مناسباتها دي من يوووووووووم عرفتها لين يومكم دا

…………………………

انا تقدرو تقولي عايشت البنت دي من االصغر من كانت 18

وسويت ليها مين ديك الايام لدا اليوم فرحه صغيرونه زي دي مسجله في الارشيف حقت السبيس

حسيتها تكبر معايا حبه حبه وفرحتها من فرحتي

وبجد قربت مني لين وصلت مقام اختي الي ولدتها امي وشردت من المستشفى داك اليوم على قولتها ورجعت كفشتها دحين ههههههههههههههه

والله يوفقها ياااااااااااارب واعيش اليوم الي اشوفك فيلو عروسه

المهم غنو معايا شويه بس

Happy birthday 2 you … Happy bairthday 2 you… happy birthday sis Maha…. Happy birthday 2 yoooooou

عسى عمرك طوييييييييييل في طاعتو يارب

ويخليكي لأهلك ولاخواتك واخوانك وعريسك وربي يسعدكم سوا يارب

…………….

ماحبيت اخرب العاده

ولو انو في فرق انو في عيد سويتو كان عيد هجراوي

فدا تاني ميلادي ههههه

ربي يسعدك ويوفقك ان شاءالله

سرتي 21 عروسه قد الدنيا مين قدك وقربتي خطوه للشيبه " مقولتي المعتاده" خخخخخخخخخ

عسا الهديه تدخل في قائمة الهدايا الحلوه وتنبسطي فيها ^^

شي بسيط حبيت اكتبو في سبيسي وطلع معايا

شاركونا الفرحه زواري الحبايب ولو بكلمه لوتحبو لانها تستاهل كل خيييييييييييير والله

ربي يسعدكم جمييييييييييييع

يالله فتكو بعافيه لموضوع جديد ان شااءلله

بايوووووووو

EmooO

I “Had” a Car :(

emoo0nation — Thu, 08 Apr 2010 22:32:21 +0000

سولام عليكم والرحمه والاكرام
أزيوكو عاملين أيييييييييييه
أدري جيت مرررررررره بسرعه بعد ماقلت اني بنزل جديد هههههههه بس مازا افعل لازم اكون زي سبيدي جونزاليس … ادري بعضكم مايعرف سبيدي جونزاليس لكنو داك الصاروخ السريع الفار حق افلام كرتون

……………

المهم ماعليكم بالقصيره … عساكم طيبين وبصحه وعافيه يارب
بصراحه الي أخر الموضوع كان تصميم
تصميم من أختي موكا أكسترا شوجر … بس مو معناتو انو هيا الي أخرتو لا والله ههههههههه انا كسول تعرفوني وبجد بجد بجد ماقصرت معايا ربي يسعدها سوتلي هوا ولسع قاعد اتشرط واقولها سوي كومان هههههههه شحات واتشرط ولا مو
فيعطيكي الفين عافيه اختي موكموك
قبل لا احط الصوره بحط شعر كتبتلي هيا شهوووده ربي يسعدها ويوفقها في دراستها وغربتها عن اهلها كتبتو ليا وتعتبر رجعه بسيطه ليها في عالم الكتابه هههههه ..قالت في سطور : أحم

زغرطي يا ساره ,,
و اصفقي يا يارا ,,
وتعالو يابنات هللو في الحاره …
و تعالي يالعمه و الجاره ..
و انثرا الورد و طيروا الحبارا ..
باركولنا و زينوا الحاره ,,
و عشان نريح العقول الحيارا ..
محمد شرا من الجديد سياره ..

باين انو في سر مو ههههه ..لا سر ولا شي

حقولكم الخبر الي بعضكم يعرفو اواكترتكم وهوا انو الحمدلله اشتريت سياره قبل شهرين من اليوم
ادري ادري الله يبارك فيكم وفي عمركم خخخخخ وعقبال عندكم
أِشتريت ياطويلين العمر

Hyundai Genesis Coupe

http://www.m5zn.com/photo_files/2010/4/7/photo/04071011045838d7nbho3x5vbohko1.png

حلوه قويه شبابيه سريعه مريحه كل شي فيها من مواصفات الحمدلله حصلتها في السياره … حتى من جوتها حلو خخخخ
هدي صورتين بدون ديزاين الي بجد بجد بجد اشكر موكموكتي عليه ربي يسعدها كدا وتلاقي حلمي قريبا هههههههه … أو نقول وتنجح يارب احسن تحب الدعوه دي اكتر هههههههه

http://img101.herosh.com/2010/04/08/533758876.jpg

http://img102.herosh.com/2010/04/08/280209898.jpg

وبس دي صور بسيطه للي ماشاف السياره … مشاءالله طبعا ههههههههه

هاتو رأيكم فيها لو تحبو ^^

وصح ليش كتبت

Red is Back

عوشان كانت في سياره قديمه في بيتنا نوعها

Honda CiviC

http://img102.herosh.com/2010/04/08/666769822.jpg

يالله ايامها كانت حلوه … كانت حقت اخويا بعدين اداني هيا جلست معايا حوالي سنه الي داومت فيها في الطايف لان ووقتها كنت اشتغل هناك وسكنت عند جدتي ههههههه مو اقولكم رحاله للي مايعرف قصصي خخخخ

المهم دي ودعت وديك جات وكولها ان شاءالله فيهم الخير والبركه

يالله دا موضوع كنت بكتبو من سنة جدتي ودوبي كتبتو هههههههه

أيوه أيش في موضوع تاني

طويب هداك خبر أساسي كنت بكتبو من اول ماطلعت السياره ههههههههههه

الخير التاني أنو همممممممم

تخيلو أنو دخلت السياره الصيانه دحين ؟؟؟؟؟؟ الحمدلله على كل حال طبعا

الي سار اني كنت ماشي في شارع نظيف أنظف منو مافي لانو اعرفو كل يوم امشي منو مافي اي شي

بس سبحان الله كنت ماشي ورا سياره بعدين الي قدامي وخر فجأه ولما وخر كان هوا بيعدي حفره والحمدلله على كل حال بس انا ماقدرت اتفاداها واكلتها بالكفر اليمين … مو اكلت الحفره لا اكلت حجار كان طالع من الحفره وانكسر الجنط جق سيارتي وراح الكفر

هدي صورة الجنط شوفو كيف انطعج

http://img102.herosh.com/2010/04/08/421382428.jpg

الطعجه باينه وواضحه من ورا بس الي مو باين انو لما وديتها عند مخرطه على اساس اصلحها طلع في طعجه في نفس النقشه قدام فالجنط مايتصلح … تخيلو جنط بي 1900 ريال يترمي ؟؟؟؟

طبعا كل شي الحمدلله عليه والله

مو زعلان على السياره قضاء وقدر وعساها كفاره وعلى قولة صاحبي انو ماتدري ايش كان راح يسير قدام يمكن كانت في مصيبه في مشواري وربنا اراد انو اسوي البقعه الخفيفه دي عشان لا اروح للاكبر ..فالحمدلله

لكنييييييي اليوم والليل برجع على نفس موالي

………………………….

أنتقااااااااااااد ولا حياة لمن تنادي

داك اليوم كنت اكلم رعشه اقولو انتا معا مين معايا ولا معاهم .. بالامانه ماني فاكر ايش كان جوابو والله بس الي اعرفو انو اغلب وقتو ضدي

قلتلو انا حكتب عن الاشياء السيئه الي يعانو منها الشباب

بصراح بصراحه الي متاكل حقو الانسان العاشق للسيارات في البلد المحترمه دي

يعني الي عندو ونيت او لاندكروزر او كامري او كورلا او اي شي من دي السيارات الي يسموها الناس ” سيارات البدو” هدي مقوله معروفه مو تريقه على فئه لا والله ارجع اقول كلهم على عيني وراسي حضر بدو كلهم بشر هههههههههه

لكني انا بغير المسمى هدا وبقول ” سيارات الفئه الاذكى” لانو بجد بجد اكتشفت انو اي احد يطلع سياره تتحمل المطبات والشوارع المكسره في البلد دي فهيا الفئه الاذكى

………………………

الواحد يتعب نفسو ويجمع فلوس ويحلم بسياره من وهوا صغير …ويجي شارع مكسر في غمضة بصر طرااااااق يفجر كل أخت أم الاحلام دي

يعني انا كنت ماشي في امان الله في شارع المفروض يكون صالح طيب …وبعض الايام امشي في مغمض من حلاوتو وفجاه يسير ليا الي يسير ؟ياهووووو غلط مين ذمب مين الي يتحمل الاشياء دي ؟ شعب حكومه ولا مين ؟

ليا صاحب اسمو ياسر طيب كان ماشي في امان الله شويه والله ماكدب في اليسار وهوا بيتجاوز سياره لقا عامود خارج من بياره اخدتلو السياره من تحت … لما راح بيشتكي قالو ماليك شي

يعني بجد بجد بجد شي يقهر الي ماينقهر وهدا الي خلاني اغير كفر واروح الشركه بدون ماستنا اي شي من الحكومه لانها بالمختصر المفيد فيها من الظلم الشي الكتير انها تاكل حقوق الناس بدون خوف

……………………..

بالامانه شي مره يزعل والمفروض من الملك للوزير للي تحتو يشوف الوضع يشوف كل شي يتكلمو يفرضو سلطتهم لانو الي ماسكين الوزارات دي ناس بجد بجد مايخافو ربنا ومايروح فيها غير الشعب المسكين

فانا من دا المنبر حقي اعتذر لكل واحد اعتبرتو مشتري سياره بنظري هبلا خخخخخخخ زي اخونا رعشه طلع من الفئه الاذكى هههههههه

وخلف الله على اي مخلوق يشتري سياره حلوه او سياره تعتبر رياضيه او وت ايفر

وبطلوكم ياشباب احلام وغير احلام في السيارات وطلعو شي على قد مقدرة البلد الي فيلو بترول الي يقدر يصلح مليووووووووووون شارع لكننو مو مصلح غير الشوارع المهمه

………………………….

اتحدى واحد فينا يسوق سياره ياخد سيارتو للمنطقه الصناعيه

هدا شي يضحك ههههههه يمكن البنات مايعرفو الشي دا عشان مايروحو الصناعيه كتير

لكني اقولكم شي يضحك

المنطقه الصناعيه ليش وجدت؟

مو عشان تصلحو السياره .. اكيد صح … انا رحت همممم حوالي اربعه مناطق صناعيه .. جده , الطايف , الدمام و ينبع … والله وربي يشهد عليا انو أسو أسوأ شوارع هيا شوارع المناطق الصناعيه .. يعني الواحد بيصلح سيارتو ويروح يوديها هناك .يخرجها تخرب من الشارع ههههههه والله حاله يأخوان

أصغر اخوانكم ترا يقدر يحاجج الي ماسك الموضوع دا او المسؤول ويحشكو فمابالك بواحد يقدر يفرض صلتتو عليه ؟ شي غريب انو حالنا كدا لين دحين لانو دا شي قديم .. عسى الوضع يتعدل لانو بجد فكرت ابيع سيارتي دي واطلع دبابه حربيه وافك نفسي من الهم والغم حق البلد دا وشوارعو .. ولا اقعد كل شويه أصلح السياره بي 5000 ريال كانو ولد زيليونيييييييير مالللللللت

همممممممم ايش في كومان

الاسبوع قبل الي فات نزلت البحرين وكانت طلعه حلوه فله شوفت فيها فلم 3 دي

هممممم مو مره حلو ..وبصراحه ماشوفو في البيت لو افحط هههههههه لكن دخلتو لانو 3 دي يدوك نظاره كدا وكول وفله ولو واحد رما حجر من حقون الفلم تحسو جي في فيسك هههههه فانصح اي احد بيروح دحين يروح اي فلم جديد يكون اكشن وفله و 3 دي عشان تحسو بالاكشن

…………………

همممممممم

خليني أحكيكم من مواقفي القديمه

يعني اعبي سطور عشان اعرف فيكم تحبو السطور الكتيره ههههههههه … ادري انكم العكس جدا جدا لكن يالله تحملو تحملو

مره في بيت جدتي كنت جدا ملقوف انا كنت ولد كدا مزعج صغيرون بس يسوي قروشه للخق يجري ويقربع ويضرب ” خاصه البنات خخخخ” ويكب المويه وكل شي لدرجه مافي احد ماضربني في بيت خيلاني وخالاتي ههههه

فداك اليوم خالي قاعد ينقل العفش حق غرفتو للغرفه التانيه عاد جاكم خوكم ايمو اللقوفي قال لخالو اساعدك …خالو قالو نوب لاتساعد ولا شي روح اجلس العب خخخخخ

فلما خرج من الغرفه قلت لا لازم اساعد ايش فايدتي في الحياه ههههه … فدورت دورت دورت شي صغير جدا ومالقيت غير تلفزيون كبيييييييييير كان على وقتها عليا كبير بس هوا صغير هههههه لكن وقثتها كان كبير عليا

فسويت قوي وعضلات تعرفو كنت بأثر على بعض الناس الي ابغاهم يشوفو اني قوي وقتها خخخخخخخخ

فشلت التي في ولين يومك دا كل ماتنقال القصه يسير ضحك ههههههههههه

لانو انا شوفت التي في وشوفتو الي فاكرو انو فوق صدري وانا طايح ومغمى عليا وصحيت لقيت خالي يقولي محمد محمد هههههههه … بس احلا شي لما خلصت يقولي ليش شلتو قلت خفيييييييف ههههههههه

والحلو في الموضوو التي في دا لين يومكم دا موجود والمشكله انو صغييييييير باين ههههههه

بس خلصت توته توته خلصت الحتوته حلوه ولا فتفوته

يالله خرجت هرج من قرا قرا ومن سكب سكب هههههههههه يعني سوا سكيب

اشوفكم للموضوع الجي ان شاءالله

سولامووووو

EmooO

Word with no love is not coool at all ^^

emoo0nation — Fri, 12 Mar 2010 21:01:52 +0000

سولام عليكم ورحمة الله وبركاااااااااااااتو

كيف حالكم يالشعب عساكم بخير وبصحه

حلو تحس انو في ناس يحبوك صوح

لا جد مين يقدر ينكر الشي دا؟ غير الناس الي مفروض عليهم يحبوك الي يعني غصبا عنهم لا كدا من ربنا

فالحمدلله على النعمه دي

طويب

انا قلت لرعشه انو بكتب عن شي شفتو عندو او عنو والله مو فاكر

بس للاسف مو رعشه اكبر همومي اكتبو عنو هع هع هع <<< دحين يزعل خخخخخ

لا بس جد بكتب عن موضوع اهم قبل بعدين اكتب عن شي عندو قلت بسوي موضوع ومنها ارجع اكتب عشان خاطر الي طلبوني

خاصه المحبه ووعد لانو هما الي ورايا في الكتابه

فبس بكتب عن شي خاص فيا بطريقه غموض ممزوج بالمعرفه للي يعرفني هههههههه

من دحين بدينا الالغاز

بس قبل اي شي

مبرووووووووووووك ملكة احمد لانو على ماسمعت انو السبيس حقي في المفضله عند بعض الناس ويشرفني ابارك ليهم واتمنا ليهم حياه سعيده يااااااااارب لانو كلهم يستاهلو من قلب والله ..وعساها تقدر تغير بعض الي انا ماقدرت اغيرو فيك طبعا من وجهة نظري طبعا لانو ادري بتفكها سالفه ماليها اول ولا اخر هههههههههههه

مبروكيشن للعرايس

ومبروووووك لمها برضو ماني فاكر اني باركت ليها هنا وزواجها بيكون في نفس شهر احمد .. هممم ايت واحد اروح ..لو تشتري مها ليا تذكره بسحب على احمد ههههههههه لا بس جد مبرووووووووك

مبروووووووووووك لشهد النجاح في الاختبارات والتيرم الجديد والله يسعدها وتشد حيلها يارب ونشوفها عروسه لانها هيا برضو خطبها عريس يحبها من قلب ههههههه فضيحه صوح فجد مبرووووووووك

مبرووووووك السياره ياحيه وعساكي يارب تسيري ام قريبا يارب يارب

مبرووووك موك موك تغير التخصص يارب يارب يكون خير ليكي

مبروووووك وعد مدري على ايش بس قلت اجيب اسمك هههههههههههه لكن الي عرفت انك موظفه ؟ فمبروووووووووك الوظيفه هههههههههه

مبرووووووووووك شيخه هيا تقولكم على ايش بعدين

سوبر دودي مبرووووووووووك على مدري برضو هههههه بس اعتذر منك لانو حسبتك شحص تاني طبعا ههههههه

مبرووووووووووك ليا لانو مانشستر يونايتد تأهل دوري ال 16 في ابطال اوربا

مبرووك غاده هيا برضو تقولكم ليش بعدين يارب اقدر اجيبها عندي في السبيس تسيب بصمه حلوه زيها

مبرووك روان لانو سارت مدرسه قد الدنيا ولو لفتره وجيزه بس يارب تسير الي تبغا يارب

والمحبه تحت هنا مبرووك ههههههههه عسانا نفرح فيكي يارب وفي تخرجك

هدي يامحبه الصوره تفضلي تفداكي بكل الاحجام ^^

وهدا رابط للصوره كبيره يامحبه عشان لو تبغي صوره اكبر او توقيع اكبر لخلفيه شعريه من عندك خخخخخخ

http://www.m5zn.com/uploads/2010/3/12/photo/dz1bbj1qzddarhcxb.jpg

أخش في الموضوع على طول من دي الكلمه البسيطه الي كنت احطها في البرسونال مسج حقي بالعنيه بصراحه على اساس انا صح وفي احد يسوي غلط

يعني بالعربي كنت اقصد احد يقراها وعلى اساس يعرف انو لو

"Low Down Your Expectation Mr.ME..Not Everthing Will Go As You Want"

هدي هيا الكلمه …. عشان اعرف في ناس مايعرفو الانجليزي فيري ويل فراح اترجمها خخخخ

" نزل توقعاتك يااستاد أنا … مو كل شي راح يمشي زي ماتبغى"

جملتي لو كانت كحكمه بقول انها صحيحه مليون في الميه ..بس كرساله موجهه اعتبرها بلاهه مني او غباء انو اكتب شي زي كدا كرساله بصراحه وايش على اساس انها عتاب … بجد اشكرو من قلب انو لو كان شافها وقريها ماداها اهتمام يب ..وحتى لو ماكان شافها اقول الحمدلله انو اعتبرها مجرد جمله لا اكتر

بصراحه بتكلم عن النقطه دي بأختصار لانو مهي مهمه ليكم … انا عرفت عن نفسي اشياء ماتخلي الواحد يقول عني ون اوف ذا كايند ..صفات فيا جدا ماهي حلوه بحاول اعدلها طبعا …. انزل توقعاتي عشان بس ماتوافقت معا شي انا ابغا شي مو يضحك صوح؟ يعني الحياه اولا واخيرا ماراح تمشي على حسب هوانا فسواء نزلت توقعاتي او مانزلتها بتمشي بكيفها هههههههه … وظيفتي كنت ابغاها في جده جات في الشرقيه … موضوع خطبتي ابغا ينحل مو راضي ينحل …. بس كل دا كوم وكوم انو ابغا رد الجميل يكون مضاعف من الناس الي احبهم في حياتي ؟ شي يضحك وغريب والله … انا كتبت المقطع هدا عتاب ليا واعتذار لشخصين بشكل خاص وللبقيه طبعا ..لانو ياما ظلمتهم معايا دولا الاتنين.. يمكن يقرو الكلام حقي لانو عزمتهم يقرو فان شاءالله يقرو …لما تحس انك تسوي مقابل عشان مقابل او لما تعرف انك مسوي مسؤول تسجيل خدماتك وكيف ترجع من التانين في قلبك تحس انو شي جدا مو حلو بجد لانو انتا تتعامل معا التانين وماتقدر تلزمهم بشي فحرام تظلمهم بانو تطلب منهم يسوو شي مايبغو يسو او مابيدهم يسو

مقولة عامل الناس كما تحب ان يعاملوك مقوله صحيحه …فمايحتاج نخليها عامل الناس كما تحب ان يعامولك غصبا عنهم ههههههههه

على العموم حبيت اقول من هنا واعدل جملتي لنفسي قبل لايكون موضوع ليكم انو الجمله الصح لازم تنكتب كدا

"Low Down Your Expectation Mr.ME..Because This Is Life "

لو حبو اصحاب الشأن يقولو انو هدا عنهم مابقول لا بجد لانو انا اشكرهم من كل قلب عشان خلوني ولو بطريقه يمكن غير مقصوده منهم ابغا اعدل شي سيء فيا فثاااانكس الوت

ماعلينا

طيب موضوع احمد <<< دحين يقول مين احمد لاتكتب احمد هههههههههههههه

يضحكني الانسان الي كل مانقول اسمو يقول لا قول اللقب بعدين يقول مافرقت

تعرفو زي مين ؟ زي المهندس الي كل ماتنادي يقولك انا اسمي المهندس فلان ويعقب عليها وبعدين يطلع في المنبر يقول مو مهم ينادوني الناس مهندس ولا بأسمي ههههههههههه لو مو مهم ياخي لاتقعد في كل كلمه والتانيه تذكرنا انو اسمك المهندس فلان ولما نقول فلان يقول المهنس فلان بس مو مشكله تقولو فلان ههههههههه

فاحذر ياحمودي العيون تراقب اسمك

ماعلينا دي عشان اجيب اسمو في سبيسي لانو بصراحه ذكرني كتير وحيبت اردها لو

المهم دي صور من سبيسك جبتها لردود كانت ليا ولغيري بس كانت مووجه ليا زي كل مره متحسس مني خخخخخخخخخ

طيب بسم الله رجعنا بعد ماقريتو الصور

احبائي الكرام واساتذتي العزيزين احب اقولكم شي عن نفسي

انا احب علم النفس بدرجه جدا كبيييييييييييييييييييره واتوقع انو عندي مقدره احلل مواصفات الي قدامي او احلل امور في حياتو مو كأمور لا كأفعال وردود افعال لانو هدا دور علم النفس طبعا .. انا احب انو اسير دكتور في جامعه عشان اقدر اتعامل معا الطلاب واحلل افكارهم واقدر اكون مدرس كويس … وحبيت اسير صحفي لانو اتوقع انو اقدر اوصل للقاريء ..او اسير دكتور نفساني …. بس ولا واحد من دا سرت وسرت مهندس هههههههههه

لكن الشغف دا لساعو عندي والحمدلله قدرت احلل اكتر من شخصيه خاصه نفسي طبعا وفي ناس اعجبو بتحليلي الحمدلله

احمد يقولي في تاني صوره فوق انو ماعرف ولا شي عنو او يقول للأسف يتهيألك ؟ اقولو صح ماعرف اسم امك ولا اعرف كم اخت عندك ولا اعرف حتى اختك لو فاكر الي تزوجت ماكنت قايلنا غير نفس اليوم وبالصدفه هههههههههه ..هدي امور حياتك يب ماعرفها لانك كتوم عليها …وطبعا ماتهمني في تحليل الشخصيه ولاتهم اي واحد يتمرس تحليل الشخصيه… انا يهمني الفعل وردة الفعل عشان اقدر احلل

…………………..

انتا في حياتك في فشل وفي نجاح …وفي كسب اشخاص وفي خسارة اشخاص …في كسب امور وفي خسارة امور هدي هيا الي تهمني اكتر من امور حياتيه تسير معاك ولا ايش تسوي في وسط بيتكم لانو انا احلل كتابات و حركات واقوال والي ساعدني اني احللك اكتر من غيرك لما احد يسألني لاني اعرفك بكل بساطه

لما تقول انتا مو مفضوح ..يب انتا مو مفضوح في امورك الشخصبه ..لكنك مفضوح في حركاتك مفضوح في اقوالك وكتاباتك ..ولو انو الكتابه اغلبها تتمحور حوالين موضوع واحد اغلبنا نعرفو لو مو كولنا نعرفو فاعتمد على الحركات والاقوال اكتر والمشاعر الي تخرج بدون قصد طبعا

…………………

فزي ماقولتك انا لو مصدق نفسي على قولتك او اصدق تحليلاتي شي ياخي يرجعلي انا لانو انا معتبر نفسي محلل شخصي ولو احد سألني يحقلي اجاوبو بكيف انا اشوف الامور ..هوا صدق هوا ماصدق شي راجعلو .. انا ماشوهت سمعتك بقدر ماقول حقايق هيا في نظري من خلال التحليل صوح …. يعني كمثال لو واحد قالي احمد ايش فاقد؟ بقولو فاقد طموح ..بكل اختصار بقولو الكلمه دي ؟ هل انا كنت محلل خطأ لو قال ايش تقصد بعدين اقولو حكاوي انا ليش قلت كدا … طبعا مو معناتو انتا فاقد طموح لانو دا شي راجع ليك انتا حبيت تصدق ماحبيت تصدق طبعا في اللاخير انا فقط احلل لا اكتر

……………………

يارب فخمتا ولاتقول برضو انتا ماتفهمت وانتا ماتفهم لانو انا مادعيييييييييييت انو افهم انا ادعيت انو هيا وجهة نظري الشخصيه في شخص اعرفو فقط اوكيك

فانا مانكر انو ماعرف اشياء عنك لانك سكوتي … ولا انكر اني انا مفضوح يب ..بس انا مقري للي يعرفني …لكن انتا مقري للي يعرفك والي مايعرفك يقدر يحس بانو فيك امور لازم يبغالها تعديل سواء شخصيه او فكريه وانا قلتلك هيا اكتر من مره عشان ابغا حياتك ترتقي للاحسن لانك زي اخويا الكبير طبعا مو الصغير خخخخخخخخخ ..فلو حبيت تاخدها خدها انا مو خسران شي ولو ماخدتها برضو مو خسران مابغا غير الخير ليك طبعا …… فهدا ياطويل العمر الفكره الي قلتلك بكتب عنها منها اهرج عن نفسي ومنها فكرك انو لكل واحد امور مفضوحه حتى لو كان سكوتي زيك وياهلا فيك اي وقت

طبعا للي مايعرف انا توظفت في شركه اسمها

COOPERHEAT

في الشرقيه منطقة الجبيل

بعييييييييييييييييده عن جده مالت يانو مافي زي جده …انا لفيت اكتر من منطقه وعشت فيها … ينبع الطايف الجبيل الخبر ماليزيا ..ولا وحده زي جده والله بناسها وأهلها وكل احبابها وكل شي هههههههه

ليا دحين مخلص شهرين ونزلي راتبين واخر حلاوه خخخخخخخ ..وطلعت مفاجاه البلوج الجي بنزلو ان شاءالله بس تجيني المشاركه من اختي موكا الي وعدتني فيها … المهم حبيت اقولكم الخبريه دي للي مايعرفها معنو اغلبكم يعرفها بس قلت اقولها

طويب كم شي من ايام الدراسه في كلية ينبع الصناعيه

الي وحشتني والله قد الجبل

صدقوني ايام الدراسه لاتعوض بتراب الفلوس لما تقارنوها بالشغل بس الفرق الفلوس لكن كمتعه وتمتع الدراسه افضل فخدو فيها كل الذكريات الحلوه اوكيك

شوفو الصوره دي

صوره عاديه هههههههه … هدي درجاتي ايام الكليه …وحده 7 من 10وحده 1 من 10 يعني شايفين الفرق هههههههههه هدا بس بوريكم درجاتي ..برضو احب اقولكم موقف يضحك

…………………

هدا موقف معا الكويزات .. الكويز للي مايعرفو يعني اختبار مفاجيء ..المهم مادة تخصص وكان مدرس مصري … فادانا كويز مفاجيء وقلنا لاتكفى ومدري ايش قال ياجماعه دا سهل حلو بأا … والله ماكنت اصلا فاهم في مادتو شي واصلا ماكنت مذاكر فمصيبه في اتنين .. الاختبار كان اختيارات وصح وخطأ … 10 فقرات … بجد اقرب مايكون انوصكيت عيني وقلت يالله صح خطأ خطأ صح والاختيار الاول وكدا والخ لين خلصت وسلمت وخرجت اول واحد ……. الاسبوع الي بعدو وزع الاوراق .. مين يصدق اني جبت 8 من 10 ؟ هههههه بس غلطين في الورقه … فمن دا المنطلق في لقب اطلقو عليا الشباب وهوا المحظوظ لانو سبحان الله حظي كان شويه من السما … كنت اغيب والمدرس ماياخد غياب فمانحسب غياب مرات وزي كدا اختبارات .. واقول مثلا في اختبار اللاب يارب تجيني التجربه الفلانيه وسبحان الله تجي ههههههه.. طبعا مو كل مره تصيب لا مرات تخيب بس اقصد الاغلب …فمن هنا سارو يسموني المحظوظ… واصلا قصتي معا الكويزات شي رجج مره فوق مرررره تحت وزي كدا ههه زي الصوره الي فوق خخخخخ .مره فضيحه مره عادي في قمة عطائي

شكرا ليكم عشان طفشتكم شويه ادري

ودي رجعه يالله عساها حلوه ولو انو ماهي حلوه ادري بس مشو حالكم

وان شاءالله اكون مداوم على المواضيع

يالله فتكم بعافيه لين ارجع اكتب تاني يارب قرييييييييييييييييب

بس موك موووووووووك تجيب الوعد هههههههه

بايووووووووووو

EmooO

I am half baaaaack ^^

emoo0nation — Sun, 27 Dec 2009 02:52:26 +0000

السولاااااااااااام عليكم ورحمة الله وبركاتو

>>> ترا دول كانو الحضور الرسمي في كدا حفله وخاصه اعياد الميلاد حقتي فحبيت اجيبهم للبلوج الجديد يحمسوني بأأ خخخ

أدري انو مافي احد ههه بس حبيت اكلم نفسي واسلم على نفسي هنا وكل شي

كيفكم شخباركم شحالكم شمسوين شلونك ش ش ش …في حالة في احد لسع

سبيسي الحبيـــــــــــــــــــــــــب ها انا عدت أليــــــــــــــــــك

عسا عام 1431 و عام 2009 يكون خير للكل ان شاءالله

وسبب عودتي همممممممم اني برجع زي زومان ..يعني وعد قطعتو على نفسي و على اشخاص قالو اني تغيرت عن زومان كنت مور فن زومان عن دحين ..ماعليكم بالقصه…المهم انو عساني ابقى في نظركم كولكم اهم شي اخو عزيز

طويب

الواحد لما بيرجع زي ماكان زومان بيرجع للامور الي كان يسويها زومان خاصه الامور الحلوه

حتى اختي سبحان الله امس اشترت كوره سله وانا ليا فتره عنها السله هههه فقلت نعم الصدف ..فسرت العب في الحوش زي زومان فلــــــــه " مين بينهزم " ماقصد الغشما

والسبيس طبعا من الامور الي بجد اعتبرها من احلا اشياء حياتي

عرفني على اعز خلق ليا

وحبب التانين فيا

فاتمنا نو ارجع لو بحماس شويه ازود عن قبل

عاد سوو نسبه وشوفو ايش اقصد بالحماس ههههههه

وارجع اقول المره دي بكتب لنفسي وعشاني حبيتو تقرو ا وتعلقو اهلا وسهلا بجد مرحب فيكم كتييييييييييييييير ..ماحبيتو برضو اهلا وسهلا حبقا اكتب عشاني احب الكتابه الحره " على وزن المصارعه الحره " ادري بدينا خفه ماليها داعي خخخخخخ

قبل اي شي هدا اختبار عني الي يحب ياخدو ويجربو يسوي

ترا خطير يمكن تجيب عشره ويمكن صفر مين عارف هههههه

للي يحب يسوي هدا اللينك

http://www.quizyourfriends.com/take-quiz.php?id=0912250608052057&a=1&

عاد تعرفو اول شي انا الحمدلله تخرجت … ساير مهندس قد الدنيا

على قولة قصي في اغنيتو

معشم نفسك من امس والمكتب ورا الشمس

لو يعطوني مكتب ورا بيتنا انا قابل هههههه

يالبييييييييييي انا قبل لاتخرج كانت احلامي ورديه هههههههه

واحد يحسبني بسير وزير وبيشتغل عندي قهوجي خخخخخخخخ

"الاغنيه حقت قصي هنا للي يحب يسمعها حلوه بصراحه "

تحت يسار مكتوب download here

من هنا اوكيك

………………….

طبعا الحمدلله مني زعلان من موضوع ليش ماتوضفت لين دحين واله ..لانو كل شي بيد ربنا ونقول الحمدلله على كل شي

بس بجد الحمدلله على كل حال طبعا بس الموضوع دا من اصعب ماواجهت في حياتي .. الحصول على وظيفه

لانو تقدرو تقولو انها بداية حياتي الفعليه المستقله

فسويت كدا مقابله يمكن اغلب الي بيقرا بيعرف

ونقول ان شاءالله .. اهمممممممم خير هههههههه

بحكيكم عن بعض الاحداث الكومديه الي سارت ليا هناك طبعا معا المقابلين على اساس تغير جو

وبين كل هرجه وهرجه بحط صوره من تصويري …مدري ماوحشكم تصويري .؟ انا عشان اكتب لنفسي فوحشني تصويري والله هههههه

والي قاهرني انو الهارديسك الي فيلو كل صوري راح انحرق بوووووووورن عسا يبرن الشركه الي صنعت الهارديسك مالت عليهم

مخلي عندي في حالة سافرت يمكن احصل احد يطلع المعلومات منو

فيلو كل ذكرياتي من عام 1425 ان شاءالله اقدر احصلو

المهم بحط من الصور الي صورتها بكميرة اخويا وعساها تبسطكم

طويب

من الاحداث الي سارت في روحاتي وجياتي للبحث عن وظيفه

رحت شركه في الجبيل اسمها كوبرهيت … عاد الشركه بصراحه ماكنت اعرف عنها شي …بس وصلت عندهم يوم الاحد وفي اليوم دا عشان انا اعرف الخبر والظهران كويس فعرفت المحل الي قالي عليه الرجال بدون ماضيع … وانا سكنت في الجبيل وقتها ..يعني مسافة مكه جده

فبس هناك كان معايا صاحبي سوينا المقابله واتورطنا لانو قالنا المقابله التانيه يوم الربوع ونحنا كنا نحسبها الثلوث فحاجزين رجعه يوم الثلوث .. فاظطرينا نغير الحجز لين الخميس الصباح .. بس انبسطنا الحمدلله

فبس ايوه اقولكم اخدت صاحبي وجلسنا نلفلف ولما جيت برجع للجبيل رحت معا طريق القطار … سرت امششي معا اللوح الي اختفت كلمه الجبلي منها فسرت ماشي على كلمة سيهات النو انا فاكر انو كولها ورا بعض ههههه لين شويه لقيت نفسي وصلت القطيف هههههه .. طبعا القطيف معروفه منطقه يمكن 99% لو مو 100% منها شيعه … بصراحه سمعت كتير عن المنطقه دي فجاني زي اغنيه الاكشن في مخي تقولي بسرعه بسرعه اخرج من هنا هههههههههه وحاولت اخرج منها بسرعه

فبس معا التفكير نسيت اني في القطيف والله ….سمعت الادان حق المغرب ..قلت لصاحبي ايش رايك ننزل نصلي ونمشي بدال ماتفوت الصلاه

شويه نسمع المأذن يقول " …. أشهد ان علي ولي الله.. " هههههههه رجعت افتكرت اني في القطيف

هدا مو محش في اخواني الشيعه لا والله حبايب وعلى العين والراس …بس انا اول مره اسمع الادان دا وكانت في ادعيه غريبه وكدا فجد خفت وقلت ياولد قال اصلي هنا قال هههههه عاد تعرفو عاداتهم ويمكن اختلافات كتيره بيننا وبينهم ففضلت انو اسحب نفسي وهيا كدا ولا كدا انا مسافر يجوز اجمع الصولات معا بعض كان خخخخ

بس جزاهم الله خير دلونا على طريق الخرجه الحمدلله وخرجنا ورجعنا للجبيل

………………

عاد جا يوم الربوع

في المقابله تخيلو انو مشاءالله جلست 12 ساعه ؟؟؟؟ من 8 الى 8 المغرب مدري العشا عندهم ههههه

شي اول مره اقعد كدا ..بس فطورنا وغدونا وعشونا كان شي فله ياهو …فطور دونات وفطاير وبيتيفورات ..وعشا كنتاكي

وبرضو من الاشياء الي تسليت فيها كانت مقابله شخصيه عن الابداع

ادونا علاقات ومشابك ورق ولصق وورق اي فور ومطاط ومفك وقالو سوو منها سياره ..سوينا زي المنافسه … كان نفسي اصور سيارتي والله بس نسيت ..بس بجد انا لقيت انو ابدعت واقترحت امور على الكفرات اقلها .. كانت صعبه وسياراتنا فشلت فشل عظيم ههههههه لكن الحمدلله انو مدح في امور عاديه

بس كانت زي التجربه الحلوه نتايجها لسع ماطلعت فدعواتكم ^^

وهممم بس على المقابله دي احكيكم بعدين عن مواقف تانيه معا شركات تانيه ان شاءالله

البلا البيبسي

"هدي صوره شاركت فيها في مسابقه في اونو وحبو الصوره دي بصراحه ..ليش مدري بس قالو تصوير وفكره خطيره الحمدلله ههه وكولو من وحي خيااااااالي"

بجد شي ضر السعوديه اكتر من مافادها ..وفوق دا دحين زادو سعرو نص ريال .. عشان تعرفو ليش؟

المدخن ياخد دخان ويقول بدال النص هات بيبسي ههههههههه

تفكريهم خطير لو اخدتها من ناحية تحليل نفساني بجد

على العموم انا بقول الي عندي والي بيسمع اهلا وسهلا

…..

لو رفعو سعر كل شي بقولكم عادي لاتسو حركه ولا اكشن

لكن البيبسي عن باقي العصيرات يسير ريال ؟؟؟ غريبه عجيبه

اقصد البيبسي ومشتقاتو الي تطلع من الشركه حقتهم

يعني بالامانه هل الي اقترح الفكره دي كان في كامل وعيو او بجد كان مو خايف ولا ايش؟ مو فاهم

ونفسي اسال اي احد بره السعوديه بس ماعندي علاقه باي احد في الوقت الحالي

هل رفعو الاسعار عندكم؟ لو كان ايوه بقول شي دولي وسوو عندنا فمافي مشكله لانها مشكله عالميه

ولو كان لا بس عندنا فاتمنا اني اقول ياااااأمـــــــــه اصحو

يعني بجد شي عجيب مانبطل نشرب ..وفوق الصرقه دي يصرقو الاولاد الصغار الي مايعرفو ولايفهمو انودا شي زي الذل يعني غصبا عنك وماتقدر تهرج

خلو العلبه في مكينة البيبسي بريالين ..ولو حطيت تلاته ريال تاخد اتنين بيبسي هههههه

شي يضحك

طبعا الاولاد راح يشترو بدون مايفرق معاهم هيا كولها ريالين ..بس الهرجه ليش الصرقه دي عيني عينك ؟ وليش محد يقولهم استوب مانسمحلكم تصرقو

…….

والله ماقدر اقول غير انو اي احد بجد يفكر ماقول يبطل لا ..يخفف لو يحب انا اشد على يدو واكون معا بقوووووووووووه

وانا مقارنه معا زومان بجد خففت الديو والحمضيات كتييييييييير

وعساني ابطلها

بجد شركات مايخافو من العاقبه في البلد دي لانو ناقصها هرجة شعب

فان شاءالله بجد في الامور دي الشعب يوقف وقفه وحده زي ماشوفنا كيف وقفو معا اهل جده لانو بجد هدا الشعب الي مايرضى علىاخوانو ولا جيرانو ولا اي احد يهمو امرو انو ينصرق عيني عينك ويقعد ساكت …ربي يحفظكم من بلد

فالله يعين ويوفقهم لو بجد في حمله ضد البيبسي وانا معااااااااها

فاليسقط البيبسي

" لك الله ياشجر ..للموت ماترخي الهامات "

احب الشعر دا والله مدري ليش ههههههههه

بس انا مابتكلم عن الشجره

دي بس من تصويري

كنت اتصفح ايامي الجميله معاكم في السبيس وطحت على الموضوع دا عام 1427 حبيت انو اعيد ذاكرتو وبكتب هل في تغير بين الموضوع الي فات ودا

http://stayorletitgo.spaces.live.com/blog/cns!66B98B16CBF31D51!2980.entry

هدا اللينك كان فيلو شوية معاني واحرف كتبتها عن حبيبة قلبي امي العزيزه

ماحطول في الهرج عن الموضوع

بس حرجع اكتب قديش الانسانه دي بجد مستحملا شي اسمو محمد

بغلاضتو وبلاهتو واغلاطو وطبعا طيبتو وكل شي

انسانه انا لو حطيتها في كف بلاقي الكف الي هيا فيلو يميل

………

كان الموضوع فوق عباره عن كيف اقرب منها اكتر بالكولام

لانو كانت عندي مشكله في كيف اعبر لامي بالكلام عن شي فيا بدال ماكتمو يسير اقولو ليها لانها الاقدر على انو تسمع مني بالتأكييد وتتفهم اكتر مخلوقه في الحياه إيمو

وصدقوني الله يجزاكم خير كولكم بدون ماحدد احد لانو ليكم الفضل بعد الله في انو ساعدتوني كتيييييييييير في انو اقرب من امي كلاميا اكتر

فسارت تسمع ليا وماتستغرب مثلا لو هرجت …. سرت اكرر عليها مطالبي وسارت تعرف ايش اقصد من الغازي وتقولي يعني انتا تبغا كدا وكدا وكدا

صح لسع مابيننا التوافق الكلامي داك الكبيييييير لسع في الحرج … اقصد من ناحيتي الشخصيه في اموري الشخصيه

بس والله مره تغيرت معاها في كيف اطلب منها سرت اقدر اهرج الي في فمي معا اختلاف الطلبات وكل شي

مرات تكون معايا ومراااااات لا طبعا بس في الاخير تبقا امي

فحبيت اقولكم شكرا على تغير شي اقرب ماكان يكون للطبع السيء فيا ودا يدل انو استفدت منكم والله الشي الكتير

وبعدين بتكلم عن اخواتي وكيف استفدت منكم معاهم ^^

Thhhhhhhhhhhanks Alllllllllll

…….

وانا لما احب شخص اكتب عشانو من وحي مخي ودي عشان امي كم سطر جداوي حتى

أقولك ياأومي ماتدرين قديش أحبك …. أقولك وأعلم بذا القول كل الناس

ولو يرجع صدى صوتي تاني بقوله …. عسا كل انسان يدوق من نفس الكاس

كاس الحب الي وزن كل حب البشر …. وجعل في قلبها رحمه وقمه من الاحساس

ووسط راسها عيون تعبر عن الاخلاص …. نفسي كل يوم ياناس ابوس هدا الراس

كل يوم ترفع يدها عالي وتقول …. يارب انك تحفظ وترزق وتعين بفضلك هدا الانسان

وانا ياأمي الغاليه الطيبه هذاك الانسان …. لو عملت الطيب سنين كان في حكم النسيان

مقدر اعمل شي يوازي ابتسامة صباح …. بس بحاول اني اسعدك طول الايام

يالله تخليها ليا وتسعدني بشوفتها كل صباح

هممممممممم ايش في كومان

يعني دي تكفي في الوقت الحالي واهم شي انو استمر هنا زي اول واهو عساني اقدر اجيب هرج ومرج

على قولتهم لا اكل ولا صنعه ولا قلة مرعى ههههههههه عاطل ماوريا شي

سقراط كان يقول كدا واتحدى لو سقراط لما يعرف اني قلت عنو كدا مايقول يابويا بلاش شلخ … لانو صح انا شولاخ

…………

وبس

هدا جزء كتبتو بسيط عشان زي تعرفو السياره لما تخرج من الورشه

او لا نقول السياره نقول المريض هه لما يخرج من المستشفى يتحرك شويه شويه لين يسير زي القرد يتحرك اكتر واكتر فهزا انا طبعا بس مني قرد هههه

ربي يسعدكم للي مرو من هنا

وعسا البلوج والتصوير عجبكم اوواحد منهم ..ولو ولا واحد منهم عجبكم يسير ادق انا راسي في الحيط ههههه

واشوفكم في بلوج قادم ان شاءالله

واسف على القطعه عن سبيسي لو في احد بجد زعلتو القطعه دي

واسترو ماواجهتو لو ماعجبتكم الكلمات هيا في الاخير لاومي مو لزوجتي مثلا

وعلى قولتهم القرد في عين امو غزال فمابالك بكلمات يمكن مو حلوه هههه اكيد بتقول حمدي شكري الجديد ههه

افتكرت اسم كان يطلق عليا ايمو نجيب او نسيت ايش والله شهد قالتو عني عاد لو جات بفتتكرو هيا ههههه

ربي يسعد الجمييع

يالله سولامووو

BAAACK :D

emoo0nation — Sun, 31 May 2009 12:54:43 +0000

صباح الخيييييييييييير

والاحساااااااااااس

والطيييييييبه

ترا انا ايمو

ماتصدقو او ايش هههههههههه

كيفكم اخباركم ان شاءالله بخير

……………….

بعد ماكتبت موضوع النسف في الاشياء الي سارت من قبل العرب لما سارت الحرب على فلسطين " الله يفك همهم" جاني زي الانسداد النفسي من الكتابه دام انو الصوت مايوصل غير لحد المعارف

لو صوتنا مسموع في الامور الي يبغالها اخد اراء اتمنا انو يكون صوتي من بين الاصوات المسموعه لانو انا اعبر عن الي في نفسي مو احد يلقني ايش اكتب زي اغلب الصحفيين….. و الحمدلله صاحب قدره على توصل رأي او فكر سواء وافق معايا الطرف التاني ولا نوب

وان شاءالله العالم السعودي والعربي كتير فيهم الخير من دي النقطه لانو سارت عقولنا منفتحه مو زي زومان

طويب

………………………

"القياده"

من بعد وجودي ككابتن في فريقي سواء وقت السله او القدم خخخخخخخ

دا الشي خلا قدراتي تزيد في التفكير وقوة الشخصيه وكدا يعني حلو تكون الأمر الناهي عشان تشوف هل تقدر تنصف الكل ولا نوب

وهدا سؤال للي يدخلو سبيسي لسع سواء صدفه او لانو يعرفني

ايش تقول عن موضوع القياده للفرد ؟ وهل انتا فيك مواصفات القياده؟ و هل مريت بموقف انحطيت في قائد وهل نجحت او فشلت في القياده دي ؟وهات امثله من موقفك الي سواء نجحت فيها او فشلت لو تحب تذكر؟

………………………..

أيوه اخباركم علومكم ان شاءالله بخير

طبعا قبل كل شي احب اقول أني بخير … ولو شوية مشاكل محد خالي منها

والي خالي من المشاكل ملاك

عندي مواضيع دراسيه شاغله بالي .. دعواتكم لانو دا اخر تيرم

ومواضيع مابعد الدراسه شاغله بالي

دراسيا هدا الريبورت حق البروجيكت شي يقرف.. انا اشوف في الافلام سواء العاديه او الوثائقيه انو المسؤول عن مثلا الطلاب في الغرب يكون فاهم شغلو ويسير يشتغل معاهم التيرم كولو ولما يخلصو يكونو فاهمين ايش كتبو عشان كدا يقدرو يناقشو .. مو بس نسخ ولصق لي نسبة 60% من التقرير ؟

بصراحه موضوع البروجكيت او مادة البروجيكت في الدراسه مره مهمه وحلوه لانو تخليك تطبق نظري وبطريقه عمليه بعض الي درستو

بس نادر تشوف التطبيق دا

في مدرسين يقولو للي معاهم من طلاب مثلا نبغا نسوي مشروع مثلا حساس يفك الباب معا دخولنا .. يقولهم اشترو جاهز ويجيبو يفكو ويجمعو تاني

ههههههههه اي القصه ؟

طيب بروجيكت معناتو شرا ولا تصميم من الصفر .. لما يكتبونا التقرير يقولو اكتبو من الصفر

يعني بكتب انو اشتريت من محلات الحسن للكهربا وبس هههه ولا اكتب انو كاسرتو في السعر

والله شي عجيب

وفي مدرسين مشاءالله ينحطو على الجرح شي غير طبيعي مشاءالله عليهم تمنيت اكون تحت يد مدرس زي كدا بس يالله حظي .. الي مسكتني انو مدرسي طيب والحمدلله يكفي

يالله ايش نسوي غير نقول الله يعدل الحال

دعواتكم بس

عندي موال في مخي لو سار كويس ..واقصد بموال يعني حلم هههه

اخلص دراسه واقدم على جامعه الملك عبدالله في ثول الموضوع من زومان في بالي بس معرف متى تخلص متى التقديم وكدا

فلو مر اي احد من هنا وقري الموضوع كامل يقولي لو يعرف شي

عورت راسكم صوح ههههههه

طيب نروح لموضوع تاني حاول اشوف ايش يطلع معايا

طااااااااااايب

" تصوير تايم "

بالامانه بعد رجعة للكتابه اهو قلت احاول اختصر شويه عشان ترجع النفسيه كويس

الي يبغا يرجع لشي يرجع تدريجي مو مره وحده

بوريكم بعض الصور الي صورتها بنفسي وكانت حلوه بنظري قبل نظر البقيه

ويمكنها في نظركم مو حلوه عادي الاراء تختلف من واحد لواحد

طبعا بعضها ايام الاختبارات الي فاتت

وبعضها في الاجازه

وليها طابع خاص نظرا لانو تعبت عليها بانو اروح وارجع واروح وارجع لين تعجبني وحده فيهم وكدا ههههههههههه

هدي الاولى

ملاحظ انو دا انا صوح مايحتاج اقول عاد زي العامود مشاءالله ههههههههههههه

الصوره دي ليها قصه حلوه

كنت جالس طيب على اونو بعد ماخلصت شويه مذاكره

فكرت فكرت ايش اسوي موضوع ياربي مره

فجا في بالي موضوع اني مررررررره مشهور والببراتزي الي يلاحقو المشاهير يجرو ورايا

عاد كل الصور كانت بطابع ميستوري باين لانو مغطى الوجه كانو ايش اسمو

سناب شوت عاد ودا الي حصلو هههههههه

وبس طلعت دي بالفكره حقتها

……………….

وفي دي برضو بس دي تعديل بالفوتو

عاد ن زومان ماجبنا سيرة رعشه هههههههه

وهوا دايما يحط صور هدايا وكدا فدي انا صورتها وقصيت الجزء الي انا فيلو وسويتو كدا وطلبت عليه توقيع بسيط وسوتو ليا اختي

LETCE

من اونو طبعا وجا معاها التوقيع الي تحت حطيتو فتره

دي الصوره حقتي طبعا معا تعديلي

ودا الرابط حق الصوره السويتشيه

الي عندو برنامج يحفظ ملفات السويتش على الجهاز كانها صوره اتمنى انو يتفضل عليا برابط لانو دورت واستخدمت واحد بس ماشتغل معرف ليش

…………….

طيب وفي دي مره حسيت اني مصور وانا اصورها بجد ههههههههههه

ابويا ارسلني المسبح اشغل المكينه شويه

بس شوفت الحشره الغريبه دي

يعسوبه مدري يسعوبه والله نسيت اسمها مدري سرعوف او شي غريب هههه

عاد نسيت شغل ابويا وفررررررررررر على فوق اجيب الكميرا واخدلي صور من قريب وهيا تشرد

واتبع حركتها لين اعرف فين تنزل تاني اقوم اصورها تاني وزي كدا هههههههه

لين اهو طلعت الصور دي الخطيره

كاني بجد مصور فله ههههه

دي

كانها بعيده صورتها طبعا بالمايكرو وطلعت كدا

مهي واضحه السر عشان ابين العالم الي وراها

يافي كميرات تسوي اشياء خطيره

بس دي قدرة الكميرا الي عندي كانت بس بجد خطيره برضو

المهم ودي التانيه

عاد اتوقع واضح وصريح ومافي اوضح من كدا صوح هههههههههههه

ان شاءالله تعجبكم الصور

وعلى سيرة الصور

الهارديسك حقي ضرب وسمعت انو في ناس يطلعو المعلومات من هارديسكات مضروبه كيف معرف بس لو اي احد مر برضو ويعرف اي مخلوق يطلع ولو غالي يقولي او يعطيني رقم لانو بجد هارديسك فيلو صور ذكرياتي من عام 1424 وحرام تضيع وفيلو احلا ذكريات

فبليز الي يعرف يقولي اوكيك

أشكر الضيوف الي يمرو على سبيسي اول بأول

واشكر الي كانو يمرو ولسع يمرو

………

اختنا شهد تعرفوها كلكم

كانت في المستشفى الاسبوعين الي فاتت وماعرفت غير امس

قابلت صاحبتها ف يالمسن حقها وقالت شهد منومه وكدا والحمدلله تحسنت حالتها وراح تخرج اليوم

الف الف الف سلامه عليكي ماتشوفي شر يارب

والله يفكك من المستشفيات وسيرتها دي ويرجعك لبتكم يارب

وان شاءالله تعدي السنه دي على خير يارب و يكون حفل التخرج يوم الثلوث حلو عليكي بعد المستشفى

الله يعطيكي الصحه والعافيه يارب

…………….

وحشني سبيسي والله ههههههه

ان شاءالله دي رجعه خفيفخ وادوام على الباقي بعدين ولو في الاسبوع

قرب موسم الاختبارات دعواتكم ^^

بايووووووو

مجرد فضفضه لغزه

emoo0nation — Wed, 31 Dec 2008 22:49:32 +0000

بدون تعابير ولا اخراج فني وعملي لاحداث بلوجيه في سبيسي

هدي رجعتي بس قصيره

بكتب فيها صفحة عتاب قوي لكل من ساهم في مهزلة غزه

سعوديه …مصر " قمة المهزله" …اردن …سوريا " قمة المهزله" ….امارات …كويت "قمة المهزله "…… عمان …اليمن" قمة المهزله …. ليبيا …السودان " قمة المهزله " ……………………………….

والدول تزيد وتزيد وتزيد

دول اسلاميه وليست عربيه …يجمعها الاسلام قبل مايجمعنا الحروف العربيه

غزه شي من منظومه المفروض تكون كالجسد الواحد …لو تأثر ..تأثر لها باقي الجسد

بس للاسف اعتبرو انو الجسد دا مستأصل من سنة جدتي

مهزله عربيه بدرجة الامتياز

وزراء عرب يجتمعون ويحللون ويطالبو بالصلح بين حماس وفتح " صلح داخلي" مو كانهم شايفين انو في صوارخ قاعده تنزل على اكتر من 500 الف شخص

غضو النظر عن كل الصواريخ والقنابل الي راحو ضحيتها الين دحين 395 شخص من اطفال وشباب وبنات واولاد وعجايز

ياخوان ياعرب اليوم شوفت مقابله معا سياسي اردني

حبيتو الرجال هدا

نطق كلم الحق وقال هدي مو غاره عاديه

هدي الحرب

ووقت الحرب ماينفع المقابله

ينفع الرد المكيال بمكيالين

ياخوان الشارع العربي يحترق

انا واخويا وولد الجيران والي في الشارع التاني

نشوف دمان تسيل في التلفزيون ومحنا قادري نقول او نسوي شي

ياحكام اخجلو شويه اخجلو

اخجلو لما نلاقي انو طفل عمرو لايتجاوز 5 سنوات في قطاع غزه يقول كلمة حق

وانتو مكبلين تحت راية امريكا واسرائيل

اخجلو يال سعود …اخجلو يال نهيان …اخجلو يال مكتوم

اخجل ياحسني مبارك …اخجل ياحافظ الاسد ….اخلج ياملك عبداللله حق الاردن

واللسته تطول

لو بيدي القرار كان انحلت المشكله

لانو المشكله واضحه وماليها حل تاني

يالقتال يالاذل

مافي شي تالت

من عام 1949 اتوقع وقت الغزو

لين يومك هدا متخذينالسياسه باب وعذر ليهم

ايت هبل دا؟ لسع نبغا ناخد قرار من الامم المتحده ؟

معقوله اوربا افضل مننا معقوله اوربا تقول بكل قوه انو اسرائل مهي فوق القانون ؟

معقوله ونحنا لسه نتضارب في مجالس عربيه ماليها لزمه ؟

نبغا واحد قائد عربي مجاهد وراح الكل يتبعو ؟

بديت احب صدام لانو ضرب اسرائيل بصواريخ هههههه

عبدالله ياابويا عبدالله ياصقر العروبه ؟

هدا مو لقب تحملو بفخر وانتا مقصوص الجناح قدام الي بيسير في غزه

عبدالله كلنا نحبك كلنا ….. وانا اولهم والله

بس الي يسير في غزه مايرضي مسلم ولا يرضي اي احد

الملك فيصل الله يرحمو عرف ليهم طريق واتخذو

وقالها في مقابله

يجب أزالة اسرائيييييييييييييييييييييييييل

خدها من منظار اكبر منك بيوم اعلم منك بسنه

حاول تمشي على خطا وشوف الشعب كيف بيكون وراك

ترا الشعب السعودي منتفض داخلا لانو مو قادر يسوي شي بجد

اشوف الثلاثي المرح الاسرائيلي ..اولميرت والتاني نسيت اسمو والبنت ديك

ودي ارمي وحده منهم بشي مايقومو طول حياتو

اختي الصغيره تقول تفو عليه

عرب عرب عرب

غزه تنادي

اخرجو من اثواب المنافقين اخرجو

ترا فينا خير لسع

………………………….

فتح وحماس لازم يلاقو حل سويا

هنيه مو قادر يتخد موقف معا حماس لانو حماس ودها صلح

محد يرضا بالصلح في الوقت الحالي

الي قاعد يسير في فلسطين انقسام بين المسلمين

……………………………..

من وجهة نظري هدا زي الانقسام الي سار في ايام علي رضي الله عنه

سارو حزبين

لين مات علي وجا ولدو الحسن اتوقع او الحسين مدري والله سوا الصلح لمنع اراقة الدماء

اراقة دماء المسلمين مهي هينه

دام مافي عرب ومسلمين راضين يوقفو معا فلسطين

لازم يحاولو الفلسطين يوحدو صفوفهم على كلمه وحده

اما الصلح

اما القتال

ويوقفو الي قاعج يسير جوتهم

اسرائيل جيده في القتل صح

بس مهي جيده في القتال

فسلت في كل غزواتها

فمهي بالبلده القويه في التخطيط ويمكن تمديرها بسهوله

بس الراس الكبره امريكا

الله ينتقم منهم واحد واحد

………………………………………

مجرد فضفضه بسيطه حبيت ارجع فيها لسبيسي

……………………………………..

عذرا غزه

عذرا فلسطين

ولكن لايزال في العرب خائفين

ومنافقين

وضعفاء

سلام

لبي قلبك ياسبيسي العزيز ^^

emoo0nation — Thu, 06 Nov 2008 00:37:25 +0000

سولاااااااااام على الناس الطيبه أوي أوي أوي هههههههه

كيفكم يارب بخير ^^

وييييييي غبره كح كح هههههههه

مشي حالكم الظروف ^^

اليوم بعد غيبه نزلت موضوع وان شاءالله االجهاز يكمل بس هههههههه

لو صالح فتره يعني نقول ان شاءالله ^^

طيب

خليين اوضح شي قبل لا ابدأ موضوعي البسيط

قريت في سبيس رعشه سؤال حيه أو بالاصح….. تسأول كان نصو التالي

همممممم وينه ام جي ما اشوف له رد مختفي شوي عن السبيسات حتى لما اروح لسبيسه مالقى له جديد؟؟

عسى ماشر ؟؟؟

وعشان اوضح الي في بالي لازم اكون صريح والصراحه يمكن تكون صح ويمكن غلط بس هدا تفكيري انا يعين محد يقدر يغيرو وأتمنا أتمنا أتمنا محد يزعل مني

طيب

شوفو يالغالين

قبل فتره مهي بعيده ولا قريبه كنا مجموعة زي الجروب خليني اذكر اسميهم احسن شي

إيموو , قموره , حيه أم راسين , طلال , المحبه , رايفه , هند , شهد , شيخه, أمل , و رعشه

هدولا الناس كانو مجموعة جروب

عقد جميل تواجد في سبيسي بشكل فرحني … أخر العقد دا روحة حيه

الي استمر منهم والي ماستمر منهم بقا غالي وعزيز في القلب

طيب

وقتها كنت اتكلم معا كلكم بأنو هدا بيكون أخر جروب انضم لو في اي عالم وبأبتعادهم راح أبتدع عن عالمي هدا او اخفف دخلات

وبجد هدا الي خطر في بالي

هدا الي فوق تفصيل طيب

حلو

جينا لتفكير محمد

السبيس دا كان كل شي ينكتب فيلو للاشخاص دولا بدون أستثناء أحد منهم

والزورا لو جو والله اشيلهم على راسي من فوووووووووووق… وافرح بوجودهم بجد واتمنا مايقطعوني ابدا

بس كنت اكتب بمتعه عشان المجموعه الي ذكرتهم فوق

كنت احس بمتعه لما اكتب بجد

زي رعشه يتمتع لما يكتب خربشه عشان نفسو صح؟

انا اتمتع لما كنت احس اني اكتبلكم وانتو تقرو لي ودا بجد شي كان يخليني أطيــــــــــــــــــــــــــــر على سبيسي لانكم كنتو تجو بدون ولا ضغط ولا شي شاغلكم وتجو بفرحه

نجي للحاصل دحين " اقصد في الوقت الحالي"

قموره >>>>>>تدخل سبيسي قرايه ونادر ماترد بس ليها بصمه حلوه طبعا لسع

حيه أم راسين >>>>>>ليها حياتها الي شاغلتها ..فين وفيييييين ترد ولو ردت بيكون مجامله عشان المعزه الي بيننا ..بس يظل ردها لو طعم حلو

طلال <<<<<<<<الله يستر عليه معرف عنو شي والله يوفقو طبعا

المحبه <<<<<<عندها مشاكلها الي خلتها تبعد عننا وتفتكرنا بين الفينه والاخرى..بس تظل تزورني بين فتره وتانيه

رايفه <<<<< بصراحه الوحيده الي تواصلت معايا في اخر كم بلوج ..معا كترة المواقع والاشغال الي عندها فربي يسعدها

هند>>>>الله يوفقها فين ماكانت دحين

شهد>>>>>طفشت من النت شكلها هههههه ..لا سنه تالت الله يوفقها وتنجح وتسير دكتوره فدا يخليها ماتدخل نت كتير وماتقدر تدخل سبيسي

شيخه >>>>>>نادر ماكانت تيج سبيسي بس ليها معزه تسوى جبال طبعا فبرضو عشانها اكتب والله

أمل >>>>>>بطلت تجي سبيسي بس لساعها اخت غاليه الله يوفقها فين ماكانت

ورعشه <<<<<<الوحيد الي في بس تعرفو انا ورعشه زي سنفور ذكي وسنفور غبي لا يتفقاااااااا هههههههه " طبعا انا الذكي " خخخخ

الزورا والله على عيني وراسي وجودهم يفرحني كتييييييييييييييييييييير جدا جدا جدا ي حالة كتر الف خيرهم وزاروني في اي موضوع

بس بجد وجود دول الي ذكرتهم فوق بشكل دائم يعطيني احساس انو لسع في ديك المعزه حقت زمان لكل شي خاص فيا

بعضهم بطل يجي من زوماااااااااان لكن في الوقت الحالي الكل" ماعدا الشيبه هههههههه" بطل يجي من زوماااان وزي ماقلت يجو تأدية واجب ليا كأخ ودا شي مايحمسني اني اكتب كتير

……

انا بتكلم عن المكان دا

سبيسي الي انا احبو عشانكم

انا لو كتبت محد بيقرا فيكم شي يمكن …. الكل مشغول بحياتو خلاص

ويمكن بتاخدوها بنظرية سطر وسطر بجد هههههههه لانو خلاص بجد محد فاضي يقرا بربرتي الكتيره منكم

وانا بصراحه ماحب اي احد من الي ذكرتهم فوق يسويلي اي شي مجامله .. ولو حسيت انها مجامله ازعل حتا لو رد عشرين سطر

(بس دقيقه افهمكم ايش اقصد بكلمة مجامله)

افهمكم من وجهة نظري الخاصه

هيا انو زي تأدية واجب اهو مريت عليك يالله في دا الشهر …لاتنتظر مني كومنت غير بعد شهر تاني ههههههه

يعني مرور تأدية واجب لأخ عزيز فقــــــــــــــــــــط

انا من ناحيتي بجد وربي يشهد على كلامي الشي البسيط منكم يكفي وربي يكفي

بس برضو لما اسوي انا شي عشانكم اتوقع يكون وجودكم مملي الحته

فبذهابكم تم ذهابي او قلة دخولي

ودا ردي على تسأل حيه الي فووووووووووق

بس ربي يسعدكم لحد يفكر اني مابنزل شي لا والله

حتى لو مريتو مره في السنه مرو بس اوكيك هههههه وربي وجودكم حلو

يمكن مره تمرو تحصلو موضوع او صوره هههههه حطفشكم صور واقولكم هاتو رأيكم خخخخخخ

بقعد اكتب وكل شي بس مو بأحساس زومان لانو انتو تغيرتو على " المكان دا حقي" فلازم انا برضو اتغير عليه

اتمنا محد يزعل مني وهدي في الاخير فكرتي الخاصه

ووالله ثم والله انو وجودكم ولو بكلمه يفرح

يعني انا حاطط شات بوكس على الطرف لو اي احد مر وساب كلمه يكفي هههههههههه

فربي يسعدكم ولا يحرمني من تواجدكم ^^

وزواري لو لسع موجودن ههههه

لحد يزعل مني والله انكم غالين برضو ومنورين كل مانزلت شي ^^ اوكيك

وكلامي الي فوق من ناحية السبيسسسسسسس فقط أوكيك يعني لحد يقول وي ايشبو دا ههههههه

لا والله بس هدا سبب اني مو مهتم فيلو كتير

وان شاءالله الكل فهمني

ماتوقع من الي ذكرتهم فوق بيقرو كلامي كلهم ويمكن محد يقرا خير شر

بس لو قريوها تلاته او اتنين اكون وصلت سبب اني بطلت اكتب زي زومان بمتعه ^^

وسلامتكم

طيب خلصت الجزء دا

تعرفو التصوير زي الهوايه الي ماعرف اتقنها كويس صح هههههههههه

بس يعني معا الفرجه على التانين وكدا الواحد يحاول

فصورت صوره بجد عجبت الكل في اونو لدرجه كاموووو ربي يسعدها اخدتها وعدلتها بالفوتو وطلعت زي الفل الصوره هههههههه مشاءالله طبعا عليها

الصوره دي

عشان اعرف رعشه بيقول فين المعنى والصوره لازم معنى ومدري ايش ههههههه

فلا فيها معنى ولا شي

التفاصيل الدقيقه والدقه في انو الارقام الي قدام باينه والي ورا لا… وعرض الصوره هيا المهاره الي حاولت اتقنها

وطلعت صوره عجبت الكل الحمدلله حبيت اوريكم هيا ^^

http://www10.0zz0.com/2008/11/06/22/201034055.jpg

هاتو رأيكم لو تحبو ^^

على سيرة التصوير

اليوم لما وصلت جده على طول نزلت مطره … طبعا سمعت انو مو انا السبب أحم أحم… لاني خير لانو المطره ليها قريب الاسبوع تنزل هههههههههههه

طبعا احبطت بس قلت عادي مو مهم

المهم

طلعت السطوح مدري الصطوح وطلعت فووووووووووووق

مساكين الجيران الي كانو في الشبابيك قفلو شبابيكهم عشان خافو من كميرتي قاعده تصورهم ههههههههه

والله ولا جو على بالي

انا كنت ابغا اصور الرعد بالاصح

بس ماقدرت .. حظي زي وجهي كل ماحطيت تايمر واصور كدا صوره ورا بعض ويوقف ..يقوم يجي الرعد

اعيدها مره اتنين تلاته نفس الشي وربي قلت حظي مره مو حلو ههههههههههه

فجمعت اغراضي ونزلت وقلت للجيران اسفين على الازعاج

ياخوفي بكره يجو عند ابويا يقولو كان بيصور اهالينا ههههههههههه

رحت فيها

أخر شي زي النقاش بسيط للي يحب يناقش طبعا

أمريكا وماأدراك مامريكا

طبعا كلنا نعرف اوباما الي فاز صح

يستاهل اتوقع لانو النسبه كانت كبيره لصالحو في الانتخابات فيستاهل

كدا الانتخابات ياعرب مو زيكم

ماعلينا

انا الي قاصدو الاهتمام الكبير من (القناه السعوديه ألاولى والتانيه والعربيه ككل) للانتخابات كانو أمر يهمنا كمواطنين

يعني بفهم وبصراحه لو الامر يهم العالم على حسب قول الاغلبيه

ليش ماكل القنوات نقلتلها ؟

في برنامج يجي في الجزيره يقول " هل الاتخابات الامريكيه بهرجه للناس ؟" يعني شي عشان يشغلو الناس فيها بس

وللاسف اكتشفت "أنا" انو كاوادرنا الصحفيه كرست جهد كبيييييييير بجد وتشكر عليه من قبل الحكومه الامريكه لو تبغو هههههه

قبل اليوم بفتره بدأت المتابعه… كانو يجيبو مقابله ومدري ايش وفله

يعني يمكن تابعنا الانتخابات من نقطة الصفر

بفهم ياخوان هدا ايش لو علاقه بالشعب السعودي ؟

اوكي زيادة ثقافه ؟ طيب مايجيبو الموضوع على الهوا مباشره انا قابل …كومان ليش مايجيبو الانتخابات البرازيليه او الاسبانيه او النيجيريه او الماليزيا او الخ ؟ ولا دي مو ثاقفه السعوديين يعني ؟

بس محلل سياسي وناقد ومقابله معا مدري مين ؟ عشان الانتخابات الامريكيه …ي اخي عسا عمرو محد فاز فيهم ههههههههه انا أشلي كسعودي مواطن بالموضوع؟

بفهم ايش الفكره الي بغو يوصلها بال ايش يسمو دا الضخ الاعلامي الهائل للشعب السعودي عن امريكا

ترا للمعلوميه الحكومه والشعب السعودي …او اكون بالاصح الخليجي وخاصه السعودي

مايقدرو يتخلو عن امريكا شبر

مثال خارج الموضوع خخخخ

شوفو سوريا ربي يكتر من امثالهم

قفلت الجامعه التمريكيه في بلدها وخرجت المدرسين منها ورجعتهم امريكا عشان خلاف او شي زي كدا

المهم مو دا موضوعي

انا سؤالي يقول

انتا معا الي سار لفتره شهر كامل من متابعة القنوات السعوديه للانتخابات بطريقه جيده جدا ؟ ولا ضدها؟

وسلامتكم

هههههههههههه

دخلت في السياسه

لو ماكتبت مره تانيه ترحمو عليا هههههههه

ايش اسوي طيب زواري شيبه ومتزوجه وثانويه وسياسه و جامعه كنديه وبحرينيه وكويتيه ودكاتره او موظفين ليهم هههههههههه

ان شاءالله ماغيب كتير عن سبيسي ^^

الى لقاء قريب ان شاءالله

سولامووووووو ^^

EmooO

مونااااااا 20 + نقاش بسيييط ^^

emoo0nation — Wed, 24 Sep 2008 01:33:33 +0000

سولااااااااااااااام

موضوع قصير بس خطير ههههههههه

عاد السنه الي فاتت زي دا اليوم بس مدري لو نفس دا الوقت

كانت في بنت اسمها قموره عمرها 19 سنه

طبعا

انا اقول انو كل مواليد شهر رمضان ناس فيهم البركه مدري ليش ههههههه

وعلى حظ مونا

اليوم اليوم الوطني فغنو معايا

سارعي للمجد والعلياااااااا ..الخ الخ الخ خخخخخخ

وبرضو لساعنا في رمضان فقولو معايا

طنج طنج ططنج السحور ياصايم خخخخخ

واخر شي يوم ميلاد مونااااااااا

هابي بيرذ دي تو يو …الخ الخ الخ

كل شي مفرح والله هههههه

بصراحه ربنا يامونا ماعندي فوتو شوب

وعندي فقر في الصور الي من تصويري

بس راح احط صورتين طيب

شي بسيط

ادري مو حلو هههه بس بجد شرحت ظروفي فوق

كل عام وانتي بخير ياختي الصغيرونه ^^

ودي أكييييييييييد تعرفي ليش ههههههههه

ها فاكره خخخخخخخخخ

كل عام وانتي بخير والله يطول عمرك في طاعتو ان شاءالله ^^

نعم الاخت والله

الي يحب يبارك يتفضل

موضوع تاني بس على شكل نقاش يعني اهو بسيط

زي ماذكرت فوق كلنا عارفين انو اليوم اليوم الوطني السعودي صح

والله يديم علينا نعمة السلام والامن والخير في دي البلد الي اتوقع انو مااراح اشوف زيها

بس انا كنت اصلي التهجد في المسجد طيب

وجالسين نسمع بواري الناس وطوط طوط ومدري ايش والخ وفرحه مابعدها فرحه بجد ^^ تقولو عرس ههههه

بس مدري

هل تقولو انو الاحتفال واظهار الولاء والفداء للوطن افضل من قيام يوم يمكن يكون ليلة القدر؟

يعني بعضهم بيتعذرو يقولو عادي فرحه ونفرح ..اش فيها نصلي التهجد يوم تاني دي ياخوان لازم نسويها عشان نوري للناس قديش نحب السعوديه

بس صلاه التهجد ياخي نصليها بعديييين عطو خير

بصراحه كان نفسي اوقف واحد من الشباب الي قعدو يشجعو ورافعين الاعلام واغاني "وطني الحبيب" وأسألو ايش ردو على سؤالي

بس مدري

اترك الجواب للي يحب يجاوب ^^

بايوووووو

EmooO

ღღ *..ONE SWEET DAY..* ღღ

welcome mee

كل عام وانتو بخيييييير مقدما

21^^

I “Had” a Car :(

Word with no love is not coool at all ^^

I am half baaaaack ^^

BAAACK :D

مجرد فضفضه لغزه

لبي قلبك ياسبيسي العزيز ^^

مونااااااا 20 + نقاش بسيييط ^^

ღღ ..ONE SWEET DAY.. ღღ